Мадриднинг "Реал" клуби бош мураббийи Хаби Алонсо Чемпионлар лигаси доирасидаги "Марсель"га (2:1) қарши ўйинда Винисиус Жуниорни асосий таркибда туширмасликка изоҳ берди.
Бразилиялик юлдуз фақат 63-дақиқада Родриго ўрнига майдонга тушди. Бу вақтда таблода 1:1 ҳисоби бор эди ва ўйин охирида "қаймоқранглилар" иккинчи голни уришга муваффақ бўлишди ва ғалабани тортиб олишди.
"Вини нега захирада эди? Тақвим жуда тиғиз - бизга барча ўйинчилар керак. Асосийда тушмагани учун ҳеч ким хафа бўлмаслиги керак. Ҳамма ўйнайди, олдинда жуда кўп ўйинлар бор," - деди Хаби Алонсо матбуот анжуманида.
