16 сентябрдан 17 сентябрга ўтар кечаси Флорида штати (АҚШ) Форт-Лодердейл шаҳрида жойлашган «DRV PNK Stadium»да МЛСнинг навбатдаги туридан ўрин олган «Интер Майами» — «Сиэтл Саундерс» учрашуви бўлиб ўтди. Майами клуби 3:1 ҳисобида ғалаба қозонди.
12-дақиқада майдон эгаларининг испаниялик ҳимоячиси Жорди Альба ҳисобни очди, унга аргентиналик ҳужумчи Лионель Месси ёрдам берди. 41-дақиқада 38 ёшли Месси 36 ёшли Альбанинг узатмасидан кейин ҳисобни оширди. 52-дақиқада ямайкалик ҳимоячи Йен Фрэй устунликни янада оширди. 69-дақиқада эса меҳмонлар ярим ҳимоячиси Обед Варгас бир гол уриб, якуний ҳисобни белгилади.
«Интер Майами» 27 учрашувдан кейин 49 очко тўплаб, МЛСнинг Шарқий конференцияси жадвалида бешинчи ўринга кўтарилди. «Сиэтл Саундерс» эса 29 учрашувда 45 очко билан Ғарбий конференцияда тўртинчи ўринда қолди.
МЛС — АҚШ. Мунтазам чемпионат
17 сентябрь 2025 йил, чоршанба. 04:30
Интер Майами (Майами) — Сиэтл Саундерс (Сиэтл) — 3:1
Голлар: 1:0 — Альба (12’, ассист Месси), 2:0 — Месси (41’, ассист Альба), 3:0 — Фрэй (52’), 3:1 — Варгас (69’)













