Мадриднинг "Реал" клуби ўнг қанот ҳимоячиси Даниэль Карвахаль Чемпионлар Лигаси умумий босқич 1-туридан ўрин олган "Марсел"га қарши ўйинда майдондан четлатилди.
33 ёшли испаниялик футболчи асабларини жиловлай олмай, рақиб дарвозабони Херонимо Рулининг юзига боши билан зарба берди. Ҳакам видеотакрорни кўриш учун борди, шундан сўнг Карвахалга қизил карточка кўрсатди. Энди "қаймоқранглилар" етакчиси спортга хос бўлмаган хатти-ҳаракатлари учун узоқ муддатга - катта эҳтимол билан учта ўйинга дисквалификация қилиниши мумкин. Шу тариқа, футболчи "Қайрат," "Ювентус" ва "Ливерпуль" билан бўладиган учрашувларни ўтказиб юбориши мумкин.
Даниэл Карвахаль "Марсель"га қарши баҳснинг 5-дақиқасида жароҳат олган Трент Александер-Арнольд ўрнига майдонга тушганди.
