Madridning "Real" klubi o‘ng qanot himoyachisi Daniel Karvaxal Chempionlar Ligasi umumiy bosqich 1-turidan o‘rin olgan "Marsel"ga qarshi o‘yinda maydondan chetlatildi.
33 yoshli ispaniyalik futbolchi asablarini jilovlay olmay, raqib darvozaboni Xeronimo Rulining yuziga boshi bilan zarba berdi. Hakam videotakrorni ko‘rish uchun bordi, shundan so‘ng Karvaxalga qizil kartochka ko‘rsatdi. Endi "qaymoqranglilar" etakchisi sportga xos bo‘lmagan xatti-harakatlari uchun uzoq muddatga - katta ehtimol bilan uchta o‘yinga diskvalifikasiya qilinishi mumkin. Shu tariqa, futbolchi "Qayrat," "Yuventus" va "Liverpul" bilan bo‘ladigan uchrashuvlarni o‘tkazib yuborishi mumkin.
Daniel Karvaxal "Marsel"ga qarshi bahsning 5-daqiqasida jarohat olgan Trent Aleksander-Arnold o‘rniga maydonga tushgandi.
