"Атлетик" бош мураббийи Эрнесто Вальверде Лондоннинг "Арсенал" клубининг бугунги даражаси ҳақида фикр билдирди.
Чемпионлар лигаси янги мавсумининг илк турида "Атлетик" ўз майдонида "канонирлар"га 0:2 ҳисобида имкониятни бой берди.
"Агар "Арсенал" Ла Лигада ўйнаганида, кетма-кет ўнта чемпионликни қўлга киритган бўларди. Испанияда ғалабаларни тўғри ҳимоявий ҳаракатлар олиб келади, "Арсенал"да эса ҳозир Европадаги энг яхши ҳимоя чизиғи бор", - деди Вальверде.
Чемпионлар лигаси умумий босқичининг навбатдаги турида "Атлетик" сафарда "Боруссия" Дортмундга қарши баҳс олиб борса, "Арсенал" Грециянинг "Олимпиакос" жамоасини қабул қилади.













