Мюнхеннинг “Бавария” клуби марказий ҳимоячиси Жонатан Та “Челси” бош мураббийи Энцо Маресканинг сўзларига жавоб қайтарди.
Чоршанба куни мюнхенликлар Чемпионлар лигасида "кўклар"ни 3:1 ҳисобида мағлуб этишди. Учрашувдан сўнг меҳмонлар менежери ҳакам Тани қўпол ўйнагани учун майдондан четлатиши кераклигини айтди.
Футболчининг ўзи бунга рози эмас.
"Агар Педронинг юзига урган бўлсам, ҳа, мени майдондан четлатишлари керак эди. Лекин йўқ, мен бундай қилмаганман.
Менимча, ҳакамнинг унга сариқ карточка бергани тўғри бўлди", - деди немис марказий ҳимоячиси ўйиндан кейинги интервьюда.
