Давид Вильянинг «Атлетико»да оладиган маоши миқдори маълум бўлиб улгурди. 31 ёшли футболчининг Мадрид клуби билан шартномасига мувофиқ Вилья клубда 4,5 миллион евро ойлик олади. Бу ҳақда «barcastuff» твиттер-аккаунти хабар тарқатди.
Манбада ёзилишича, агар бонуслар билан қўшиб ҳисобланса Вильянинг «Атлетико»даги ишлаб оладиган суммаси 6,5 миллион еврога ошади. Бу «Барселона»да оладиган маоши билан деярли тенг.
Эслатиб ўтамиз, Вильянинг «Атлетико»га трансфери 5,1 миллион еврога тушади. Бу миқдор учга бўлиб тўланади. Дастлаб 2,1 миллион, кейинги мавсумда 2 миллион, ундан кейинги мавсумда эса 1 миллион евро «Барса» ҳисоб рақамига ўтказиб берилади.













