Бразилия терма жамоасининг собиқ ҳужумчиси Роналдонинг фикрича, Неймар 2026 йилда бўлиб ўтадиган жаҳон чемпионатида муҳим роль ўйнаши мумкин.
Афсонавий футболчининг фикрича, Карло Анчелотти эга бўлган ресурслар билан бразилияликлар катта муваффақиятларга эришиши мумкин.
"Неймар жаҳон чемпионатининг асосий юлдузига айланиши мумкин ва бунга ишонаман. Ҳамма Неймар 100 фоиз формада бўлишини истайди. Анчелотти ҳам, Неймарнинг ўзи ҳам шуни истайди. Мен унда жаҳон чемпионатига бориш ва Бразилия терма жамоасига ёрдам бериш истагини кўряпман," - дея Роналдонинг сўзларини келтиради ESPN.
Бразилия терма жамоаси сафида Неймар 128 та ўйинда майдонга тушиб, 79 та гол урган ва 59 та голли узатмани амалга оширган.
