"Манчестер Сити" футболчиси Фил Фоден Чемпионлар Лигаси доирасидаги "Наполи"га (2:0) қарши ўйин қаҳрамонларидан бирига айланди.

Англиялик ярим ҳимоячи голли узатма амалга оширди ва учрашувнинг энг яхши футболчиси деб топилди. Шуниси эътиборга лойиқки, Фоден жамоадошлари учун саккизта голли вазият яратди - бу 25 ёшли ҳужумкор ярим ҳимоячининг "шаҳарликлар" сафидаги бутун фаолияти давомида шахсий рекорди, шунингдек, сўнгги беш йил ичида Чемпионлар Лигасидаги барча жамоа вакиллари орасида энг яхши кўрсаткичдир.

Учрашувнинг 56 ва 65-дақиқаларида Эрлинг Холанд ва Жереми Докунинг голлари Хосеп Гвардиола жамоасига ғалаба келтирди. Қайд этиш жоиз, меҳмонлар 21-дақиқадаёқ бир киши кам бўлиб қолишганди.