"Барселона" вингери Маркус Рэшфорд Чемпионлар Лигаси умумий босқичидан ўрин олган "Ньюкасл"га қарши баҳсни асосий таркибда бошлади.
27 ёшли футболчи Гари Линекердан кейин "кўк-анорранглилар" сафида энг нуфузли еврокубокда ўйнашга муваффақ бўлган тарихдаги иккинчи англиялик бўлди. Таниқли собиқ ҳужумчи 1986 йилдан 1989 йилгача Каталония гранди шарафини ҳимоя қилган.
"Барселона" ўтган ёзда Маркус Рэшфордни "Манчестер Юнайтед"дан ижарага олган ва трансферга сотиб олиш опциясини ҳам қўшган эди.













