"Барселона" ўзининг расмий сайтида эълон жойлаштирди. Унда айтилишича, Ханс-Дитер Флик жамоаси Чемпионлар лигаси мавсумининг илк уй учрашувини "ПСЖ"га қарши Олимпия стадионида ўтказади. Кўриниб турибдики, "Камп Ноу" ҳали ўз эшикларини очишга тайёр эмас.
"Клуб яқин келажакда "Камп Ноу"ни очиш учун зарур маъмурий рухсатномаларни олиш бўйича фаол ишларни давом эттирмоқда", - дейилади баёнотда.
Эслатиб ўтамиз, "Барселона" ўтган мавсум уй учрашувларини айнан Олимпия стадионида ўтказган эди. Футбол бўйича Чемпионлар Лигаси умумий босқичининг 2-турида "Барселона" ва "ПСЖ" жамоалари 1 октябрь, чоршанба куни майдонга тушади.
