Саудия Арабистони чемпионати 3-туридан ўрин олган «Ал-Аҳли» – «Ал-Ҳилол» учрашуви жуда сермаҳсул ўтди. Жиддадаги стадионда бўлиб ўтган беллашув 3:3 ҳисоби билан якунланди.
12-дақиқада Тео Эрнандес ҳисобни очди. 24-дақиқада Малком фарқни иккитага оширган бўлса, танаффус олдидан унинг ўзи дубль қайд этди.
Ўйин тугашига 12 дақиқа қолганида мезбонлар камбэкни амалга оширишни бошлашди. 78-дақиқада Айван Тоуни «Ал-Аҳли»нинг илк голини урган бўлса, 87-дақиқада эса дубль расмийлаштирди. 90+1-дақиқада Мерих Демиралнинг голи «Ал-Аҳли»ни мағлубиятдан сақлаб қолди.
3 турдан кейин ҳар икки жамоа ҳам 5 очкога эга.
Эслатиб ўтамиз, «Ал-Аҳли» клуби Элит ОЧЛ доирасида "Насаф"га қарши ўйинда ҳам камбек орқали ғалабага эришган эди (4:2).
Саудия чемпионати, 3-тур
«Ал-Аҳли» – «Ал-Ҳилол» - 3:3
Голлар: 0:1 — Тео Эрнандес (12'), 0:2 — Малком (24'), 0:3 — Малком (45'), 1:3 — Айван Тоуни (78'), 2:3 — Айван Тоуни (87'), 3:3 — Мерих Демирал (90+1')













