"Манчестер Сити" ярим ҳимоячиси Фил Фоден жорий мавсумдаги ўйини ҳақида гапирди.
25 ёшли футболчи Чемпионлар Лигасининг илк турида "Наполи"га қарши ўйинни ажойиб тарзда ўтказди ва бунинг учун Хосеп Гвардиоланинг мақтовига сазовор бўлди ҳамда учрашувнинг энг яхши футболчиси соврини билан тақдирланди.
"Мен ҳар қачонгидан ҳам кўпроқ қайтиш, ўзимни кўрсатиш ва янги даражага чиқиш истаги билан ёнардим. Ўйлайманки, бу мавсумда аввалгига қараганда анча ижодкорман. Де Брюйненинг кетиши ўрнини кимдир вазият яратиш маҳорати билан тўлдириши керак - умид қиламанки, мен айнан ўша одамга айланаман. Ўйлайманки, мен бунга қодирлигимни аллақачон исботлаганман," - дея Фоденнинг сўзларини келтиради City Report.
