"Барселона"да спорт директори лавозимида ишлаб келаётган Деку Роберт Левандовскининг келажаги ҳақида фикр билдирди.

Жорий мавсум 37 ёшли польяк учун Каталония суперклубидаги сўнгги мавсум бўлиши мумкин. Ҳужумчининг амалдаги шартномаси 2026 йилнинг ярмигача мўлжалланган, бироқ уни бир йилга узайтириш имконияти ҳам бор.

"Роберт биз учун муҳим ўйинчи бўлган ва шундай бўлиб қолади. Унинг ёшини ҳисобга олган ҳолда, у узоқни режалаштирмайди деб ўйлайман. Футболчилар фаолиятида узоқ муддатли режалар тузмайдиган пайтлар бўлади. Ҳозир Левандовски ҳам биз каби жорий мавсум ҳақида ўйламоқда. У ёғини кўрамиз. У ўз иродасига, ўз сезгиларига таянади. Кўрамиз, мавсум қандай ўтади, кейин бу масалани кўтарамиз," - дея Декунинг сўзларини келтиради Mundo Deportivo.

Роберт Левандовски кампаниянинг тўртта ўйинида иккита гол урди.