Бразилия терма жамоаси ва "Сантос" клуби форварди Неймар машғулотларни ўтказиб юборди. Бу ҳақда Globo портали хабар бермоқда.
Мамлакат чемпионатининг 24-туридан ўрин олган "Сан-Паулу"га қарши якшанба кунги ўйинда Неймарнинг майдонга тушиши ҳозирча сўроқ остида турибди. Жума куни футболчи тиббий кўрикдан ўтиши керак эди. У илгари ўнг сон соҳасида муаммоларга дуч келган.
Эслатиб ўтамиз, "Сан-Паулу" Неймар ўз ватанидаги фаолияти давомида энг кўп гол урган жамоалардан бири ҳисобланади - 9 та.
Бир неча кун аввал "Сантос" шифокори Неймарнинг оғир жароҳатдан сўнг ўзига келаётгани ва яхши спорт формасида эканини таъкидлаганди.
