"Барселона" спорт директори Деку Чемпионлар лигаси қоидалари ҳақида ўз фикри билан ўртоқлашди.
"Ўтган мавсумда сафар ўйинларида адолатсизлик бўлди деб ўйлайман. Умумий босқич якунида кучли саккизликдан жой олганимиз бизга устунлик бермади.
Чорак финал ва ярим финалда жавоб ўйинларини меҳмонда ўтказдик, ваҳоланки, менинг фикримча, кучли жамоалар умумий босқич охирида ўз уйларида ўйнаш ҳуқуқига эга бўлишлари керак эди", - дея Декунинг сўзларидан иқтибос келтирган испан ОАВ.













