"Манчестер Сити"нинг нидерландиялик хавбеки, бунгача "Милан" шарафини ҳимоя қилган Тиджани Рейндерс Италия А Сериясининг янги мавсумида чемпионлик учун кураш ҳақида фикр билдирди.
"Тахмин қилиш қийин, ахир чемпионат энди бошланди. Стартда кетма-кет учта ғалабага эришган "Наполи" алоҳида ажралиб турибди. Лекин умид қиламанки, "Милан" бу мавсумда чемпионликни қўлга киритади. Барчасини чемпионат якунида билиб оламиз," - дея ярим ҳимоячининг сўзларини келтиради Football-Italia.
Ўтказилган 3 турдан сўнг неаполликлар А Серия турнир жадвалида пешқадамлик қилмоқда. Иккинчи поғонада Туриннинг "Ювентус" клуби жойлашган. "Милан"га келсак, "россонерилар" икки ғалаба ва бир мағлубият билан Италия чемпионатида олтинчи ўринни эгаллаб турибди.
