Алексис Санчес ЖЧ-2030да иштирок этиш истагини билдирди.

Ёзда 36 ёшли чилилик ҳужумчи "Севиляь"га ўтди.

- Нима деб ўйлайсиз, нима сабабдан Чили терма жамоаси сўнгги пайтларда жаҳон чемпионатларига чиқмай қўйди?

- Менимча, улар ўйинчиларни бошқаришни билишмаган. Менга келсак, терма жамоадаги тажрибамга қараганда, улар ўз вақтида футболчиларни керакли позицияга қўйишмаган. Шунинг учун ҳам улар икки-уч мураббийни алмаштиришди.

Масалан, улар мени "олтилик" позициясига қўйишди, бу менинг позициям эмас. Мен ҳар доим чап қанотда ва марказда ўйнаганман. Мени фақат бир марта, Канадага қарши ўйинда майдонга туширишди, аммо мен атиги 20 дақиқа ўйнадим.

- Фаолиятингизни Чили терма жамоасида давом эттириш истагида ёнаётганга ўхшайсиз?

- Албатта, бу менинг мамлакатим. Мен, Суасо ва яна бир неча киши каби Европада ўйнайдиган [чилиликлар] кам. Ҳозирча ўз ҳиссамни қўша оламан ва яхши жисмоний формада бўлсам, доим терма жамоада бўлишни истайман.

Мен Чили терма жамоаси билан яна бир жаҳон чемпионатига боришни истардим, бу 2030 йилда бўлади, мен 42 ёшга тўламан. Мен жисмоний ва руҳий жиҳатдан яхши формада бўлишим керак - бу профессионалликдан далолат беради", - деди Санчес.