"Ливерпуль" - "Эвертон" ўртасидаги Мерсисайд дербиси ўз ниҳоясига етди. Унда Арне Слот жамоаси 2:1 ҳисобида ғалаба қозонди. Баҳснинг асосий қаҳрамони ярим ҳимоячи Райан Гравенберх бўлди, у гол урди ва голли узатма амалга оширди.
Opta хабарига кўра, Гравенберх мерсисайд дербисида гол уришга ва голли пас беришга муваффақ бўлган "Ливерпуль"нинг энг ёш футболчисига айланди. Нидерландиялик бу ишни 23 ёш-у 127 кунлигида амалга оширган.
"Ливерпуль" Англия Премьер-лигасининг дастлабки 5 турида очко йўқотмасдан пешқадамлик қилмоқда. Арне Слот жамоаси кейинги турда "Кристал Пэлас" меҳмони бўлади.
