Италия чемпионатида 4-тур ўйинлари давом этмоқда, "Милан" Удинезе майдонида йирик ҳисобда ғалаба қозонди - 3:0. Ушбу ўйинда иккита голни америкалик ярим ҳимоячи Кристиан Пулишич киритди. Ўйиндан кейин у "Милан"да ажойиб жамоа борлигини айтди.
"Мен жуда мамнунман. Бизда ажойиб жамоа бор. Ҳозир энг муҳими - барқарор ўйин кўрсатиш, ўйиндан-ўйинга ривожланиб бориш", - дея Пулишичнинг сўзларини келтиради pianetamilan.it.
Муваффақият "Милан"га ҳозирча турнир жадвалида иккинчи ўринга кўтарилиш имконини берди. Клуб Италия чемпионатининг навбатдаги турида мамлакат чемпиони "Наполи"ни қабул қилади.
