Саудия Арабистони чемпионати 3-туридан ўрин олган "Ан-Наср" - "Ар-Риёд ўйинида (5:1) юлдуз ҳужумчи Криштиану Роналду дубль қайд этди.
Энди Роналдунинг ҳисобида 945 та гол бор. Бу жаҳон рекорди. Криштиану профессионал фаолиятидаги голлари сонини 1000 тага етказиш ва буни уддалаган биринчи футболчи бўлиш учун 55 та гол уриши керак.
Голлар сони бўйича тарихдаги барча футболчилар рейтингига қарайдиган бўлсак, иккинчи ўринни Лионель Месси эгаллаб турибди. Шу билан бирга, аргентиналик футболчи Роналдудан катта фарқ билан ортда қолмоқда - Лео 882 та гол урган.
Криштиану Роналду 40 ёшда, унинг "Ан-Наср" билан амалдаги шартномаси 2026/2027 йилги мавсум охиригача мўлжалланган.
