Қозоғистонлик тадбиркор Турсенгали Алагузов "Қайрат" футболчиларига янги автомобиль совға қилади, агар жамоа УЕФА Чемпионлар Лигаси умумий босқичининг иккинчи турида ўз уйида "Реал" устидан ғалаба қозонса.
«Туғилган куним арафасида, ваъда бераманки, "Қайрат" ғалаба қозонган тақдирда, барча ўйнаган футболчиларга - биттадан автомобиль. "Қайрат" - чемпион!», - дейилади тадбиркор мурожаатида.
Эслатиб ўтамиз, "Қайрат"нинг "Реал"га қарши ўйини 30 сентябрь, сешанба куни бўлиб ўтади. Баҳс Тошкент вақти билан 21:45'да старт олади.
Қозоғистон клуби дастлабки турда сафарда Португалиянинг "Спортинг" клубига йирик 1:4 ҳисобида ютқазди.
