Бильбаонинг "Атлетик" клуби хавбеки Ойян Сансет Испания чемпионатини Англия Премьер-лигасига алмаштириши мумкин. Бу ҳақда Fichajes журналистлари хабар бермоқда.
Манбага кўра, 25 ёшли ярим ҳимоячини Лондоннинг икки жамоаси ўз сафига қўшиб олмоқчи. Гап "Арсенал" ва "Тоттенхэм" ҳақида кетмоқда. Сансетнинг басклар билан тузган меҳнат шартномасида 80 миллион евро миқдорида товон пули кўрсатилган. Футболчининг "Атлетик" билан амалдаги шартномаси муддати 2032 йил июнь ойи охирида тугайди.
Жорий мавсумда испаниялик ярим ҳимоячи бешта учрашувда иштирок этди ва ўз ҳисобига битта гол ёздириб қўйди.
