"Бавария" ҳужумчиси Харри Кейн пенальтидан гол уриш қийинлигини айтди.
Мюнхеннинг “Бавария” клуби Бундеслиганинг 4-турида “Хоффенхайм”ни 4:1 ҳисобида мағлуб этди. Англиялик форвард икки марта нуқтадан гол уриб, хет-трик қайд этди. У Германия чемпионатидаги дастлабки 17 пенальтининг барчасини голга айлантирди - бу рекорд.
"Бу осон эмас. Одамлар пенальтидан гол уришни осон деб ўйлашади. Лекин мен кўп машқ қиламан, ҳар доим пенальти тепиш техникамни яхшилашга ҳаракат қиламан.
Ҳар сафар тўп жарима майдончаси ичида бўлганида, пенальти бўладими ёки йўқми, гол уришга ҳаракат қиламан”, - дейди Кейн.
