Миланнинг "Интер" клуби ярим ҳимоячиси Давиде Фраттези қишки трансферлар вақтида клубини ўзгартириши мумкин.
"Нерадзуррилар" бош мураббийи Кристиан Киву жорий мавсумда бирорта ўйинда хавбекни асосий таркибда майдонга туширмади, шу боис футболчининг кетиши ҳақидаги миш-мишлар яна долзарб бўлиб қолмоқда. Журналист Экрем Конурнинг маълум қилишича, "Ювентус", "Наполи" ва "Ньюкасл" январь ойида 25 ёшли италиялик футболчи учун курашишга тайёр. "Интер" футболчини сотиш орқали камида 45-50 млн евро ишлаб олмоқчи.
Transfermarkt портали Давиде Фраттесининг нархини 35 млн еврога баҳоламоқда. Ярим ҳимоячининг миланликлар билан амалдаги меҳнат шартномаси 2028 йилгача мўлжалланган.
