Бугун Парижда нуфузли "Олтин тўп" тақдирлаш маросими ўтказилади.
Marca нашри хабарига кўра, ташкилотчилар бу йил ғолибни сўнгги секундларда эълон қилишни режалаштирган. Ҳозирда овоз бериш натижалари бўйича ҳеч қандай маълумотлар тармоқларга сизиб чиқмаган.
Эслатиб ўтамиз, ўтган йили маросимдан бироз олдин "Олтин тўп" соҳиби номи ва номзодларнинг якуний позициялари тармоққа "қуйиб юборилган" эди. Ўшанда ғолиб Родри бўлди, фаворит ҳисобланган Винисиус Жуниор эса кўпчилик учун кутилмаганда иккинчи ўринни эгаллади.
Жорий йилда "ПСЖ"дан Усмон Дембеле ва "Барселона"дан Ламин Ямал асосий даъвогарлар сифатида тилга олинмоқда.
