Миср терма жамоаси бош мураббийи Муҳаммад Салоҳ "Олтин тўп"га лойиқ деб ҳисобламоқда.

Хоссам Ҳассан Инстаграмга пост жойлаштириб, унга Миср терма жамоаси ва "Ливерпуль" вингери қўлида соврин билан бирга яратилган суратни илова қилди.

France Football томонидан мавсумнинг энг яхши футболчисини тақдирлаш маросими бугун Парижда бўлиб ўтади.

"Фаолияти давомида дуч келган қийинчиликларни ҳисобга олсак, у бунга лойиқ. У енгиб ўтган синовларнинг кўламини ҳисобга олсак, у бунга лойиқ. Унинг йиллар давомида жаҳоннинг энг кучли лигасидаги ёрқин ўйини, ўзига хослиги ва ижодкорлигини ҳисобга олсак, у бунга лойиқ.

Чўққига чиқиш қийин, лекин ҳақиқий қийинчилик уни ушлаб туришдир. У аввало Аллоҳга, сўнгра истеъдоди, меҳнатсеварлиги ва қатъияти туфайли чўққига чиқди ва у ерда узоқ йиллар қолиб, муваффақиятга эришмоқчи бўлган барчага ўрнак бўлди.

Футболга ва ғолибни танлашга масъул бўлганларга муносиб баҳо бериш вақти келмадимикан? Бизнинг дуоларимиз, барча мисрликларнинг ва бутун дунёдаги Салоҳ мухлисларининг дуолари каби, Салоҳнинг "Олтин тўп"ни қўлга киритиши буюк футболчи учун энг олий ютуқ бўлиб, бу Миср, Араб, Африка ва ҳатто жаҳон футболи тарихида ҳеч қачон такрорланмаслиги мумкин", - деб ёзади Ҳассан.