"Манчестер Юнайтед" ҳужумчиси Жошуа Зиркзее Италия А Сериясининг бир қатор клублари эътиборида бўлиб турибди, дея хабар берди Фабрицио Романо.
Манбага кўра, манкунианликлар 24 ёшли нидерландиялик учун кўплаб таклифлар борлигига қарамай уни қўйиб юбормоқчи эмас. Рубен Аморим уни муҳим футболчи деб ҳисоблайди.
Зиркзее 2024 йилда "Болонья"дан 42 миллион еврога сотиб олинганди. Унинг шартномаси 2029 йил охиригача мўлжалланган. Transfermarkt уни 30 миллион еврога баҳоламоқда.













