"Ювентус"нинг молиявий фирибгарлик иши якунланди.
22 сентябрь куни "Prisma" иши деб аталмиш ишга якун ясалди. “Ювентус”нинг собиқ раҳбарлари фирибгарлик йўли билан капитал қўлга киритиш ва маошларни ошириб ёзишда айбланганди.
"Ювентус"нинг собиқ раҳбарлари айбни тан олиш тўғрисида келишувга эришдилар ва шартли қамоқ жазоси ва жаримага тортилдилар.
Клубнинг собиқ президенти Андреа Аньелли бир йилу саккиз ой, собиқ вице-президент Павел Недвед бир йилу икки ой, собиқ спорт директори Фабио Паратичи ва бош маслаҳатчи Чезаре Габазио бир йилу олти ой муддатга шартли қамоқ жазосига ҳукм қилинди.
"Ювентус"нинг собиқ бош директори Маурицио Арривабенега нисбатан очилган иш тугатилди.
“Ювентус”нинг ўзи 156 750 евро миқдорида жаримага тортилди.
