"Реал" бош мураббийи Хаби Алонсо Винисиус Жуниорни захирада қолдиришдан чўчимаяпти, чунки бразилиялик ўзининг оптимал ҳолатида эмас. Винисиусга вазият ёқмаяпти, лекин у буни фақат бир йўл билан тузатиш мумкинлигини тушунади - яхшироқ формаган қайтиш.
Goal порталининг Marca’га таяниб хабар беришича, душанба куни Винисиуснинг агенти Фредерик Пенья "Реал" бош директори Хосе Анхель Санчес билан учрашган. Учрашув шартномани узайтириш эҳтимолига бағишланди - аввалроқ музокаралар тўхтатилган эди.
Манбага кўра, "Реал" агентга сўнгги таклиф ўзгаришсиз қолишини айтган - мадридликлар шартларни оширмайди.
Амалдаги меҳнат шартномаси Винисиус Жуниорни "Реал" билан 2027 йилнинг ярмигача боғлаб туради.
