Отасидан ўттиз йил кейин, Жастин Клюйверт ҳам Гиннес рекордлар китоби муаллифларидан сертификат олишга муваффақ бўлди - бу китоб инсониятнинг барча "энг сара" ютуқларини ўз ичига олади. Ўтган йилнинг ноябрь ойида Жастин "Борнмут" жамоаси таркибида бир ўйинда учта пенальтини амалга оширди ва бу АПЛ рекорди бўлиб, нашр муаллифлари фикрича, юқорида тилга олинган китобга киритилишга муносиб топилди.
Унинг отаси эса фақат битта гол урган эди - аммо айнан шу гол уни Гиннес рекордлар китобига киритган. 1995 йил 24 май куни Патрик Клюйверт Чемпионлар лигаси финалида "Аякс" сафида "Милан"га қарши ўйинда захирадан майдонга тушди ва ҳал қилувчи голни урди. У Чемпионлар Лигаси финалида гол урган энг ёш футболчи бўлди ва ҳозирга қадар бу рекордни сақлаб келмоқда.
