Мадриднинг "Реал" клуби чап қанот ҳимоячиси Альваро Каррерас "Леванте"га қарши ўйиндан кейинги ҳолати ҳақида гапирди.
22 ёшли футболчи "қаймоқранглилар" сафида асосий таркибда майдонга тушди ва 82-дақиқагача ўйнади, шундан сўнг унинг ўрнига Давид Алаба майдонга тушди. Бироздан сўнг испаниялик футболчининг захира ўриндиғида оёғига муз боғлаб ўтиргани "Реал" мухлисларини хавотирга солди.
"Менинг жароҳатим? Мен яхшиман, мен яхшиман," - дея Каррераснинг жавобини келтиради Madrid Universal.
"Реал" "Леванте" устидан 4:1 ҳисобида ғалаба қозонди. Голларга Винисиус Жуниор, Франко Мастантуоно ва Килиан Мбаппе (дубль) муаллифлик қилди.
