Мадриднинг "Реал" клуби ҳужумчиси Килиан Мбаппе мунтазам равишда рақиблар дарвозасини ишғол қилишда давом этмоқда.
Франциялик футболчи "Леванте"га қарши ўйиннинг 64-дақиқасида пенальтини аниқ амалга ошириб, зарбани "паненка" усулида ижро этган бўлса, орадан икки дақиқа ўтиб дубль қайд этди ва "қаймоқранглилар"нинг устунлигини йирик кўринишга келтирди - 4:1. 26 ёшли форварднинг ҳисобида Ла Лиганинг жорий мавсумида еттита гол бор - у тўпурарлар пойгасида катта фарқ билан етакчилик қилмоқда. Энг яқин таъқибчилар Этта Эйонг, Ферран Торрес ва Ведат Мурики тўрттадан гол уришди.
Ўтган мавсумда Килиан Мбаппе 31 та гол билан Испания чемпионатининг энг яхши тўпурари бўлганди.
