"Ливерпуль" футболчиси Федерико Кьеза Лига кубоги доирасидаги "Саутгемптон"га (2:1) қарши ўйиндан сўнг ўз фикрлари билан ўртоқлашди.
Италиялик вингер икки голли узатма билан "қизиллар"нинг кейинги босқичга чиқишига ёрдам берди. Голларга Александр Исак ва Уго Экитике муаллифлик қилди.
"Бу ўйинда биз "Ливерпуль" эканлигимизни кўрсатиш имкониятига эга бўлдик, шунинг учун ишонч билан ғалаба қозонишимиз керак эди. Бунинг ўрнига биз ўзимиз вазифани мураккаблаштирдик. Бугун ўйинимиз ёмон эди. Концентрацияни ошириш ва йўқотмаслик керак," - деди Кьеза ўйиндан кейинги интервьюсида.
Шанба куни Арне Слот жамоаси "Кристал Пэлас" меҳмони бўлади. Учрашув Премьер-лиганинг 6-тури доирасида бўлиб ўтади.
