Машҳур инглиз собиқ ҳужумчиси Алан Ширер Ламин Ямалнинг истиқболлари ҳақида ўз фикрлари билан ўртоқлашди.
"Барселона"нинг 18 ёшли вингери "Олтин тўп" учун курашда Усмон Дембелега ютқазди. Премьер-лиганинг барча вақтлардаги энг яхши тўпурари фикрига кўра, ёш испанияликнинг келаси йили совринни қўлга киритиш учун барча имкониятлари бор.
"Ямал ва Дембелени яна томоша қилиш қизиқарли бўлади. Испания ва Франция келаси ёзги жаҳон чемпионатида узоққа боришади ва Ямал "Олтин тўп"га яққол даъвогар бўлади", - дея Ширернинг сўзларини келтиради Barca Buzz.
