"Барселона" футболчиси Эрик Гарсия Ла Лига доирасидаги "Реал Овьедо"га (3:1) қарши иродали ғалабадан сўнг интервью берди.

24 ёшли ҳимоячи учрашувнинг 56-дақиқасида ҳисобни тенглаштирган бўлса, кейинроқ Роберт Левандовски ва Рональд Араухо гол урди. Ўйиндан кейинги журналистлар билан суҳбатда Эрик Гарсия тиззасидан жиддий жароҳат олган Гави ҳақида эслаб ўтди.

"Биз бу ғалабани Гавига бағишлаймиз. У биз учун майдонда ҳам, унинг ташқарисида ҳам жуда муҳим. У жамоадаги барчани ўзининг иштиёқи ва жанговар руҳи билан тўлдиради. Умид қиламанки, у имкон қадар тезроқ соғайиб, сафимизга қайтади," - дейди ўйиннинг энг яхши футболчиси деб топилган Гарсия.

Тахминларга кўра, Гави тахминан тўрт-беш ойни ўтказиб юборади.