Мадриднинг "Реал" клуби янги марказий ҳимоячи қидиришда давом этмоқда. "Қаймоқранглилар"нинг асосий трансфер мақсадларидан бири узоқ вақт давомида Вильям Салиба деб ҳисобланган, аммо бу вариантдан воз кечишга тўғри келади - футболчи "Арсенал" билан шартномани узайтиришга қарор қилди. ESPN хабарига кўра, Салиба билан муваффақиятсизликдан кейин "Реал" раҳбарияти "Ливерпуль"дан Ибраима Конате билан шартнома имзолашга тайёр. 26 ёшли француз аввал ҳам шорт-листда бўлган, аммо энди "қироллик клуби" янада қатъийроқ - трансфер эҳтимоли ошмоқда.
Манбага кўра, "Реал" "РБ Лейпциг" вакили Кастелло Лукеба номзодини ҳам кўриб чиқмоқда.
Эслатиб ўтамиз, Конатенинг "Ливерпуль" билан амалдаги шартномаси келаси йилнинг ёзида ўз ниҳоясига етади.
