Ёзги трансфер ойнасида "Барселона" "Манчестер Юнайтед"дан ҳужумчи Маркус Рэшфордни ижарага олди. Қишда каталонияликлар "қизил иблислар"дан яна бир футболчини ижарага олиши мумкин.
Transfer News Live нашрининг Fichajes нашрига таяниб хабар беришича, "Барселона" ярим ҳимоячи Кобби Майнуни ижарага олиш имкониятини кўриб чиқмоқда. "Кўк-анорранглилар" бу футболчида Гавининг қисқа муддатли ўринбосарини кўришмоқда.
Эслатиб ўтамиз, Гави жароҳати туфайли операция қилинди. Тикланиш учун футболчига тўрт-беш ой керак бўлади. Оптимал формага хавбек баҳорда қайтиши мумкин.
Аввалроқ матбуотда Кобби Майнунинг мунтазам ўйин амалиётига эга бўладиган жамоага ўтиш истаги ҳақида ёзишганди.
