Бирмингемнинг "Астон Вилла" клуби бош мураббийи Унаи Эмери УЕФА Европа лигасининг жорий мавсумидаги мақсадлари ҳақида гапирди. Дастлабки турда "шерлар" "Болонья"ни минимал ҳисобда мағлуб этишди - 1:0.
"Мен жамоани қабул қилиб олганимда, биз еврокубокларга чиқишни орзу қилардик. Кейин АПЛда барқарорликка эришиш ҳақида ўйлай бошладик. Жорий мавсумда Европа Лигасида зафар қучишни мақсад қилганман. Буни амалга ошириш осон бўлмаслигини тушунаман," - дея испаниялик мутахассиснинг сўзларини келтиради TNT Sports.
Европа лигаси 2-тури доирасида Бирмингем жамоаси сафарда Роттердамнинг "Фейеноорд" клуби билан куч синашади. Учрашув 2 октябрь куни бўлиб ўтади.
