"Манчестер Сити" бирйўла тўрт нафар муҳим футболчи билан шартномани узайтиришни режалаштирган. Гап ярим ҳимоячилар Родри ва Фил Фоден, шунингдек, ҳимоячилар Йошко Гвардиол ва Жон Стоунз ҳақида кетмоқда. Football Transfers нашри тарқатган хабарга кўра "шаҳарликлар" раҳбарияти 4 нафар футболчи билан янги меҳнат шартномалари тузиш устида иш олиб бормоқда.
Стоунзнинг амалдаги келишуви келаси ёзда тугайди, Родри ва Фоденнинг шартномаси 2027 йилнинг ярмигача, Гвардиолники эса 2028 йилгача мўлжалланган.
Шанба куни "Манчестер Сити" ўз майдонида "Бёрнли"ни қабул қилади. Премьер-лиганинг 6-тур учрашувлари Тошкент вақти билан соат 19:00да старт олади.













