Мадриднинг "Реал" клуби ҳимоячиси Ферлан Менди қишки трансфер ойнаси вақтида жамоасини алмаштириши мумкин. Fichajes нашрининг хабарига кўра, клуб бош мураббийи Хаби Алонсо раҳбариятдан футболчини бошқа жамоага сотиб юборишни сўраган.

Алонсонинг фикрича, чап қанотда ҳужумга фаол қўшиладиган футболчи керак. Менди эса бундай қобилиятга эга эмас. Шу сабабли, клуб ёзги трансфер ойнасида Альваро Каррерасни харид қилди. Шунингдек, Фран Гарсия ҳам кутилганидан яхшироқ ўйин кўрсатмоқда. Шу боис клуб Ферлан билан хайрлашишни истамоқда.

Айни пайтда футболчини сотиб олмоқчи бўлган клублар йўқ. Бироқ таклиф тушса, "Реал" уни трансфер қилишга тайёр. Шу боис кўплаб клублар уни сотиб олишни истамаяпти.

Маълумот учун, Менди 2019-йилдан бер “Реал” шарафини ҳимоя қилади. У ҳозирга қадар клуб таркибида 201 ўйинда майдонга тушиб, ўз ҳисобига 6 та гол ва 9 та голли узатма ёздириб қўйган. Футболчининг клуб билан шартномаси 2027-йилнинг ёзига қадар амал қилади. Transfermarkt портали Менди трансфер нархини 14 миллион еврога баҳоламоқда.