"Манчестер Сити" ҳужумчиси Эрлинг Холандга "Барселона" ва Мадриднинг "Реал" клублари қизиқиш билдиришда давом этмоқда.
Йил бошида норвегиялик "шаҳарликлар" билан янги тўққиз йиллик шартнома имзолаганди, аммо унинг Испанияга кўчиб ўтиши мумкинлиги ҳақидаги миш-мишлар шу билан тўхтамади. El Nacional хабарига кўра, "Барселона"дагилар Холанднинг Ламин Ямал билан "авлодлар боғлами"ни шакллантириш истаги туфайли "Реал"ни эмас, балки ўз клубини афзал кўришига ишонишмоқда. "Реал"нинг ҳужум чизиғида Килиан Мбаппе ва Винисиус Жуниор ҳаракат қилмоқда, улар билан Эрлингни бирлаштириш қийинроқ кўринмоқда.
Transfermarkt портали "Манчестер Сити"нинг 25 ёшли форвардини 180 млн еврога баҳоламоқда.













