Якшанба куни Италия чемпионатининг марказий ўйинида "Милан" 5-тур доирасида "Наполи"ни 2:1 ҳисобида мағлуб этди. Ўйиндан сўнг журналистлар англиялик ҳимоячи Фикайо Томоридан ҳозирги жамоанинг 2022 йилда чемпионликни қўлга киритган жамоа билан ўхшаш жиҳатлари ҳақида сўрашди.
- Бир нарса дейишим қийин. Кайфият аниқ ўхшаш, у - ижобий. Биринчи турдаги мағлубиятдан сўнг Аллегри бизга хотиржамликни сақлашни маслаҳат берди. Ҳозир ҳам аҳвол анча яхши. Аммо олдинда яна бир мураккаб ўйин бор," - дея Томорининг сўзларини келтиради pianetamilan.it.
А Сериянинг навбатдаги турида "Милан" Аллегрининг собиқ клуби Туриннинг "Ювентус" клуби билан ўйнаши керак бўлади.
