"Барселона" бош мураббийи Ханс-Дитер Флик жамоа учун ярим ҳимоячи Педри қанчалик муҳим экани ҳақида гапирди.
22 ёшли испаниялик футболчи якшанба куни "Реал Соседад"га қарши ўйинда учрашувнинг энг яхши футболчиси деб топилди. Баҳс "кўк-анорранглилар"нинг 2:1 ҳисобидаги ғалабаси билан якунланди.
"Педри майдонда бўлганида, у шунчаки ҳамма жойда ҳозир-у нозир - ҳимояланади, доим бизга тўпни қайтариб беради. У аниқ эпизодларда қаерда жойлашиши кераклигини жуда яхши билади. Педри биз учун жуда муҳим," - деди Флик.
1 октябрь куни "Барселона" ўз уйида Чемпионлар лигаси доирасида "ПСЖ"ни қабул қилади.
