"Барселона" бош мураббийи Ханс-Дитер Флик Ла Лига 7-туридан ўрин олган "Реал Сосьедад"га (2:1) қарши ўйиндан сўнг ўз фикрларини билдириб ўтди.
Учрашувнинг 31-дақиқасида меҳмонлар ҳисобни очган бўлса, бунга "кўк-анорранглилар" биринчи бўлим сўнгида Жюль Кунденинг голи билан жавоб қайтарди. Ғалаба тўпини 59-дақиқада Роберт Левандовски киритди.
"Осон бўлмади, лекин биз уч очкога лойиқ эдик. Ўтган ўйиндан кейин тикланиш учун атиги 68 соат вақтимиз бор эди, аммо барча ўйинчилар фантастик иш олиб боришди ва бор кучларини беришди. Ўйинимиз менга ёқди. Бизга кучли рақиб қаршилик кўрсатди, аммо кўплаб вазиятлар яратдик," - дея Фликнинг сўзларини келтиради Barca Universal.
