Родрининг "хоч" пайлари узилган тиззасида яна муаммолар пайдо бўлди.
Эслатиб ўтамиз, "Манчестер Сити" ярим ҳимоячиси ўтган мавсумнинг катта қисмини хочсимон пайининг узилиши туфайли ўтказиб юборган эди.
"Шаҳарликлар" бош мураббийи Пеп Гвардиола шанба куни испаниялик футболчининг тиззасидаги оғриқ туфайли Англия Премьер-лигасида "Бёрнли"га қарши ўйнамаганини (5:1) маълум қилди.
"Жума кунги машғулотда у шундай деди: "Мен ўйнай олмайман. Тиззам қаттиқ оғрияпти, ўйнашга қодир эмасман."
Мен унга: "Агар ўйнай олмасанг, демак, ўйнамайсан. Бошқа ўйинчи майдонга тушади. Ҳа, бу аввал жароҳат олган тиззасининг ўзи," дедим," - дея таъкидлади Гвардиола.
