Rodrining "xoch" paylari uzilgan tizzasida yana muammolar paydo bo‘ldi.
Eslatib o‘tamiz, "Manchester Siti" yarim himoyachisi o‘tgan mavsumning katta qismini xochsimon payining uzilishi tufayli o‘tkazib yuborgan edi.
"Shaharliklar" bosh murabbiyi Pep Gvardiola shanba kuni ispaniyalik futbolchining tizzasidagi og‘riq tufayli Angliya Premyer-ligasida "Byornli"ga qarshi o‘ynamaganini (5:1) ma’lum qildi.
"Juma kungi mashg‘ulotda u shunday dedi: "Men o‘ynay olmayman. Tizzam qattiq og‘riyapti, o‘ynashga qodir emasman."
Men unga: "Agar o‘ynay olmasang, demak, o‘ynamaysan. Boshqa o‘yinchi maydonga tushadi. Ha, bu avval jarohat olgan tizzasining o‘zi," dedim," - deya ta’kidladi Gvardiola.
