Мадриднинг "Реал" клуби бош мураббийи Хаби Алонсо Европа Чемпионлар Лигасида Қозоғистоннинг "Қайрат" клубига қарши бўлиб ўтадиган ўйин ҳақида фикр билдирди.
"Билаяпмизки, эртанги ўйин осон бўлмайди. "Қайрат" Чемпионлар Лигасида ўйнайдиган жамоа, шунинг учун улар билан учрашишга 100 фоиз тайёр бўлишимиз керак. "Қайрат"нинг Чемпионлар лигасидаги илк ўйинини таҳлил қилдим, шунингдек, "Селтик"ка қарши ўйинни ҳам томоша қилдим," - деди Алонсо матбуот анжуманида.
Биринчи турда "Реал" ўз майдонида "Марсель"ни 2:1 ҳисобида мағлуб этган бўлса, "Қайрат" сафарда "Спортинг"га 1:4 ҳисобида имкониятни бой берди.
