Madridning "Real" klubi bosh murabbiyi Xabi Alonso Yevropa Chempionlar Ligasida Qozog‘istonning "Qayrat" klubiga qarshi bo‘lib o‘tadigan o‘yin haqida fikr bildirdi.
"Bilayapmizki, ertangi o‘yin oson bo‘lmaydi. "Qayrat" Chempionlar Ligasida o‘ynaydigan jamoa, shuning uchun ular bilan uchrashishga 100 foiz tayyor bo‘lishimiz kerak. "Qayrat"ning Chempionlar ligasidagi ilk o‘yinini tahlil qildim, shuningdek, "Seltik"ka qarshi o‘yinni ham tomosha qildim," - dedi Alonso matbuot anjumanida.
Birinchi turda "Real" o‘z maydonida "Marsel"ni 2:1 hisobida mag‘lub etgan bo‘lsa, "Qayrat" safarda "Sporting"ga 1:4 hisobida imkoniyatni boy berdi.
