talkSPORT журналисти Анил Кандоланинг фикрича, "Манчестер Юнайтед" ноябрь ойида Рубен Аморимни истеъфога чиқариши мумкин.
"Ўйлашимча, ноябрь ойи Рубен Аморим ишини йўқотадиган ой бўлади ва шунинг учун...
Бу вақтга келиб Аморимнинг биринчи шартномаси тугайди ва Глейзерлар шартномадаги бир нечта бандларни ҳисобга олган ҳолда уни айнан шу вақтда ишдан бўшатишса, бир неча миллион тежашади. Лаёқатсизлик энг юқори даражада. Бу нимага олиб келиши аниқ ва улар ўзларини муносиб клубдек тутиш ўрнига, бу вазият чўнтакларига қаттиқ таъсир қилмаслигини кутишади. Ўзларини шундай тутадиган бирорта клубни айтинг.
Бу буюк клубни бошқарилиши шунчаки жирканч. Ҳеч қачон бундай қулаш бўлмаган ва буни кўриш даҳшатли," - деб ёзди журналист ижтимоий тармоқда.
Аморим "МЮ"ни қарийб 11 ой олдин қабул қилиб олган, унинг қўл остида "қизил иблислар" АПЛда 15-ўринни эгаллаган ва бу жамоанинг турнир тарихидаги энг ёмон натижаси бўлганди.
